Mainit na pinag-uusapan ngayon sa mundo ng showbiz ang kumakalat na balita na umano’y may anak na raw ang aktres at sexy star na si Ivana Alawi — at ang itinuturong ama ay dating aktor at congressman na si Dan Fernandez.
Sa mga vlog nina Cristy Fermin at Ogie Diaz, ibinunyag nilang may mga source na nagsasabing sa Amerika raw isinilang ang bata at matagal na raw itong hindi ipinapaalam sa publiko. Ayon kay Cristy, hindi nila kinukumpirma ang balita ngunit binibigyang pansin nila ito dahil ito ang usap-usapan sa ngayon.
“Bakit nga kaya ganito kainit ang isyu na si Ms. Ivana Alawi ay diumano’y may anak na pala?” ani Cristy, na sinundan pa ng impormasyon mula sa kanilang source na ang bata ay tinatayang nasa edad 6 o 7 taong gulang na.
Dagdag naman ng co-host na si Romel Chika, kung totoo man ito, ay naging ina si Ivana sa murang edad. Naungkat din muli ang mga lumang larawan nina Ivana at Dan Fernandez na nag-viral noong 2020, na naging dahilan ng tsismis tungkol sa kanilang umano’y espesyal na relasyon.
Ngunit sa isang panayam noon kay Boy Abunda, nilinaw ni Ivana ang isyu at sinabi:
“We’re friends po, pero wala pong gano’n.”
Dagdag pa niya, hindi siya nahuhumaling sa babaero — dahilan kung bakit hindi raw niya piniling pumasok sa relasyon kay Dan.
Sa ngayon, pareho pa ring tahimik sina Ivana at Dan ukol sa isyung muling lumutang sa social media, lalo na’t may mga netizens na nakapansin ng mga bagay na pareho sa kanilang mga social media posts—gaya ng pagkakapareho ng aparador o background.
Kung sakali mang may katotohanan ang balita, tanong ng marami: Obligado ba silang ibunyag ito sa publiko? O may karapatan ba silang panatilihin ang ganitong bagay sa kanilang pribadong buhay?
Muli, wala pang opisyal na pahayag mula sa panig ng dalawa — kaya’t ang lahat ay nananatiling haka-haka.
.jpg)
